شروط الاستخدام

آخر تحديث: 2026-11-04

أهلاً بيك في IMetas. باستخدامك للموقع (كمشتري أو بائع) إنت موافق على الشروط دي. اقراها كويس.

1. إحنا مين وبنعمل إيه

IMetas منصة وساطة (Escrow): المشتري بيدفع للمنصة، والفلوس بتفضل محجوزة عندنا لحد ما المشتري يستلم ويأكد، وبعدها بتروح للبائع. إحنا مش بنبيع الأصول أو الخدمات بنفسنا (إلا اللي عليها شارة "رسمي من IMetas")، والبائع هو المسؤول عن اللي بيعرضه.

2. الحساب

لازم تكون 18 سنة أو أكتر.
إنت مسؤول عن حسابك وباسوردك. ما تديش كود الدخول لأي حد، حتى لو قال إنه من الإدارة.
حساب واحد لكل شخص. الحسابات الوهمية أو المكررة بتتقفل.

3. الدفع والعمولة

الأسعار بالدولار. لو دفعت بالجنيه، بيتحسب بسعر الدولار الرسمي + 2 جنيه، والسعر متثبّت 24 ساعة من وقت الطلب.
المشتري بيدفع سعر العرض بس. عمولة المنصة 5% بتتخصم من البائع.
ممنوع الدفع أو الاتفاق برّه الموقع. أي فلوس تتحوّل برّه المنصة مش محمية ومش مسؤوليتنا.

4. التسليم والاستلام

البائع لازم يسلّم خلال 48 ساعة من تأكيد الدفع، وإلا الطلب بيتحوّل نزاع تلقائي.
المشتري عنده 72 ساعة بعد التسليم يراجع ويأكد أو يفتح نزاع. لو ما عملش حاجة، الطلب بيتقفل لوحده.
بعد ما الطلب يخلص، فلوس البائع بتفضل معلّقة 7 أيام (فترة ضمان) قبل ما يقدر يسحبها.

5. المزادات

المزايدة التزام. لو كسبت، لازم تدفع خلال 48 ساعة، وإلا المزاد بيروح للي بعدك وممكن حسابك يتوقف لو اتكرر.
أي مزايدة في آخر 5 دقايق بتمدّ المزاد.

6. الممنوعات

بيع حسابات أو صفحات مسروقة، أو بيانات ناس، أو أي حاجة مخالفة للقانون المصري.
النصب، أو رجوع البائع في الحساب بعد البيع، أو تقديم إثباتات مزوّرة.
نشر أرقام تليفونات أو حسابات للتواصل برّه الموقع.
الإساءة أو التهديد في الشات أو التقييمات.

أي مخالفة ممكن تخلّينا نقفل الحساب، ونحجز الرصيد لحد ما الموضوع يتحل، ونضيف المعلومات لسجل النصابين.

7. تنبيه مهم عن المنصات

فيسبوك وإنستجرام وتيك توك وغيرهم ممكن تمنع نقل ملكية الحسابات والصفحات في شروطها، وممكن تقفل الحساب في أي وقت. إحنا بنحمي فلوسك من النصب وعدم التسليم، لكن مش بنضمن قرارات المنصات نفسها بعد فترة الضمان.

8. حدود المسؤولية

مسؤوليتنا في أي طلب بحد أقصى المبلغ اللي اتدفع في الطلب ده. إحنا مش مسؤولين عن أي خسارة غير مباشرة (أرباح، إعلانات، وقت).

9. التعديلات

ممكن نعدّل الشروط دي. التعديل بيتنشر هنا بتاريخه، واستمرارك في استخدام الموقع معناه إنك موافق.

عندك سؤال؟ ابعتلنا من الشات جوه أي طلب، أو على no-reply@imetas.shop.